Zum Inhalt springen

La Familia

De Philosophie

Fischaugen-Gruppenfoto der Sattkopf-Crew im Wald, schwarz-weiß
Die Familia
Sattkopf-Crew im Herbstlaub im Wald
Sattkopf-Crew mit Mountainbikes über der nächtlichen Stadt
Die Sattkopf-Crew stößt gemeinsam an
Sattkopf-or-die-Tattoo auf einem Bein
Bei manchen geht's unter die Haut.

Born and raised im Ourewald – mir nemme, was uns des Paradies zwische Streuobstwiese, Schimmeldiwog, Appelwoi un Kochkäs so hergibt. Do werd ned lang rumgedoktert, do werd gfahrn, gmacht un aa mol oiner gehobe. Sattkopf is ned nur Radfahre, Sattkopf is än Gfühl: mit dä richtige Leid, Spaß im Oureald häwwe.

Wie's los gange is

Los gange is des Ganze 2011, als mer im Zuge vun em Schulprojekt die erschde CableCam selwer zammegebastelt un in de Schriesemer StaWald nei gehängt hawwe. Seitdem sin mir Daydrinker un Nightrider – tagsüber uff de Trails, nachts mit Lampe, Durst un fragwürdige Ideä unnerwegs. Des Schrauwe am eigene Rad? Des werd bei uns eher kleigschriwwe. Hauptsach, des Ding knarzt, dann rollts a noch irgendwie.

Was mer so mache

Vum Dual-Slalom iwwer Chinese-Downhill-Renne bei Daach un bei Nacht, bis hie zu Kasteleef, Jam Sessions oder unzählige Trips. Rund 30 Leit stehe mol vor, mol hinne de Kamera. De oine kann besser Rad fahre, de anner kann besser organisiere, oiner malt wie en Brunneputzer, die anner bringt Musik un Stimmung nei. Bei uns muss koiner alles könne, aber jeder, der Bock hot, kann sich eibringe. Im Schaffensprozess is jeder herzlichst willkomme – Hauptsach, man hät Bock. Die Ideä entstehe meistens irgendwo zwische de Lokale in de Unnere Stroß oder im Schwan in Ladeburg. Ausgesponne, zerredt, widder zammegeflickt – un am End werd's doch irgendwie im Ourewald ganz onnaschda umgesetzt, ganz egal bei welchem Wedda.

Des Futter für die Ideä kimmt aus de lokale Traditione, de umliegende Kulture, Musee, Eindrück un Gschichte aus de ganze Region. Mol inspiriert vom Wirtshaus, mol vum alten Plakat, mol vum Konzert, mol vum Gespräch am Tresen. Sei's zum Enduro fahre am Königsstuhl oder zum Springe in Bonsweiher – de Ourewald hot kulturell, sportlich un kullinarisch oifach alles zu biete, was es Herz begehrt.

Bonsweiher

Un Bonsweiher? Do is sowieso e Kapitel für sich. Die Truppe verbringt jede freie Sekund uff em Bagger, mit Schaufel, Spaten un schwerem Gerät, un bastelt am Waldsee-Trail rum, bis widder irgendeine Linie steht, die vorher koiner gebraucht hot, aber danach jeder fahre will. Drum is aa jeder Cent willkomme. Weil so e Trail baut sich ned vun alloi, un Sprit, Werkzeug, Holz, Schraube, Bier un gute Laune zahle sich leider ned mit Luft un Liebe. Damit des Ganze ned komplett an de leere Kasse scheitert, versuche mer mit Sache wie Magazine, Shirts, Sticker un anderem Kram des Projekt finanziell am Lebe zu halte. Reich werd do koiner, aber des war aa nie de Plan. Kill all the Fucking Posers.

Es geht drum, dass mer weiter mache könne: filme, fahre, drucke, male, baue, ääfach Quatsch produziere. Am End braucht's nämlich gar ned viel. E paar gute Leit, mit denne mer Spaß hawwe kann. Egal uff welchem Rad, egal wie lang se scho fahre, egal ob schnell, langsam, laut oder leise. E bissl Euphorie für die Sach, e paar kalte Getränke, e Wald, e Kamera – un scho is alles do, was mer braucht.

Ganz oifach: Gas am Glas im Ourewald.

— Mio Meier Forster, alter Snape the Navigan.